Një banesë është pushtuar nga flakët mesditën e sotme në qytetin e Korçës. Nga informacionet paraprake, vetëm pronari i banesës ka marrë një dëmtim të lehtë në dorë, si pasojë e thyerjes së një xhami.
Në vendngjarje ka mbërritur edhe grupi hetimor, i cili ka nisur të gjitha hetimet e nevojshme për të kuptuar shkakun e zjarrit. Dyshohet se zjarri është shkaktuar nga një shkëndijë elektrike.
Njoftimi i plotë:
Korçë, Informacion paraprak
Më datë 13.07.2018, rreth orës 11:00, në lagjen nr 7, jemi njoftuar se në banesën e shtetasit A.S, rreth 65 vjeç, ka rënë zjarr. Nga të dhënat e para, rezulton se vetëm pronari i banesës ka marrë një dëmtim të lehtë në dorë, si pasojë e thyerjes së një xhami.
Zjarri është fikur dhe dyshohet paraprakisht të jetë shkaktuar si pasojë e një shkëndije elektrike. Grupi hetimor në vendngjarje po punon për zbardhjen e rrethanave të ngjarjes.