Elbasan-Një 75 vjeçare ka ndërruar jetë në Elbasan pasi shtëpia e saj u përfshi nga flakët ditën e sotme.
Ngjarja mësohet se ka ndodhur rreth orës 12:40, në fshatin Shtërmaj.
Shkak i zjarrit dyshohet të ketë qenë një shkëndijë elektrike.
“Rreth orës 12:40, në fshatin Shtërmaj, dyshohet se për shkak një shkëndije elektrike, ka rënë zjarr në banësen e shtetases H. Ç., rreth 75 vjeçe, e cila jetonte vetëm.
Për pasojë, shtetasja H. Ç. ka humbur jetën.
Shërbimet e Policisë dhe të zjarrfikëses po punojnë për shuarjen e flakëve”, informoi sot policia.
Grupi hetimor vijon veprimet në vendngjarje, për sqarimin e rrethanave të rastit.
Komento
Komente
