Një zjarr ka rënë në një mobilieri në zonën e Niklës në Fushë Krujë. Për shkak të materialeve lehtësisht të djegshme në këto magazina bëjnë që flakët të rriten gjithnjë e më shumë duke shkaktuar re të dendura tymi në zonë. Zjarri po përpinë çdo gjë që po gjen përpara, ku 3 zjarrfikëse po punojnë për shuajnë e tyre, por flakët janë ende të mëdha ndërsa favorizohen nga era e fortë në zonë. Zjarri po rrezikon të djegë edhe magazinat që ndodhen aty pranë mobilierisë, edhe pse forcat zjarrfikëse po përpiqen që të lokalizojnë flakët.
Flakët u aktivizuan pasditen e sotme në orën 18:55 në mobilierinë "Rudi" që është në pronësi të Flamur Brama, banor nga Fushë Kruja, ndërsa mohohet fakti se ky zjarr mund të ketë ardhur si i qëllimshëm nga konkurrenca.
Edhe pse është ende herët për të vendosur se kush kanë qenë shkaqet e zjarrit, paraprakisht dyshohet se mund të jetë bërë një luhatje tensioni duke u bazuar në deklaratat e punonjësve të mobilierisë.
