Një i ri 21 vjeçar u arrestua nga policia në Dimal pasi iu gjetën në banesë armë dhe municione, si dhe veshje si të policisë.
Bazuar në informacionet e inteligjencës policore, u organizua operacioni ‘Befasia’.
M.G., 21 vjeç banues në Suk të Fierit u vu në pranga për veprat penale "Mbajtja pa leje dhe prodhimi i armëve, armëve shpërthyese dhe i municionit", "Prodhimi, mbajtja, blerja apo shitja pa leje e armëve të ftohta" dhe "Mbajtja pa të drejtë e uniformës".
'Si rezultat i operacionit u arrestua në flagrancë shtetasi M. G., 21 vjeç, banues në fshatin Suk, Fier, për veprat penale "Mbajtja pa leje dhe prodhimi i armëve, armëve shpërthyese dhe i municionit", "Prodhimi, mbajtja, blerja apo shitja pa leje e armëve të ftohta" dhe "Mbajtja pa të drejtë e uniformës".', njofton policia.
Në banesë iu gjetën: 2 armë zjarri pistoleta, krehra dhe municion luftarak për to, veshje si të Policisë, maska, dorashka dhe 1 përforcues grushti, të cilat u sekuestruan.
