Dinamo fitoi 1-0 me Riminin në një test miqësor të zhvilluar në stadiumin "Valentino Mazzola" në Siçili, aty ku Blutë janë në fazën përgatitore në tokën italiane. Një gol i Kaçorrit në minutën e 11-të të ndeshjes vendosi 90 minutat, me trajnerin Luigi Di Biagio që shijon kështu suksesin e parë në krye të Dinamos, kundër një ekipi të Serie C në Itali.
Kjo ishte përballja e dytë e Dinamos në Itali, teksa në ndeshjen e parë u mundën 2-0 nga Modena, skuadër që luan në Serie B. Tanimë Blutë do kthehen në Shqipëri, për të vijuar me përgatitjet në prag të sezonit të ri që nis në 26 gusht.
Djemtë e Di Biagios e nisin rrugëtimin kundër Tiranës në derbi. Kujtojmë se te Dinamo janë duke u bërë ndryshime të mëdha, me ekipin që do quhet Dinamo City dhe do ketë sponsorë të rinj, pas një bashkëpunimi me Manchester City-n.
Komente
Ndeshja me Riminin , eshte zhvilluar ne Sant'Arcangelo di Romagna RN. Jo Siçili
Përgjigju