Dritan Mehmeti nuk është më trajneri i Dinamos në Superligë. 43-vjeçari mori drejtimin e skuardës më 27 shkurt 2023 në Kategorinë e Parë dhe me vetëm nëntë ndeshje në drejtim largohet nga ekipi. Me planin e ri dhe reformimin e klubit, posti i trajnerit pritet t'i besohet italianit Luigi di Biagio.
Presidenti Ardian Bardhi nuk do jetë i vetmi investitor në klub, teksa sponsor do jetë edhe kompania që do ndërtojë portin e Durrësit. Veç ndërrimit të emrit në Dinamo City dhe rikthimit të stemës së vjetër, Blutë do bashkëpunojnë edhe me Manchester City-n.
Reformimi ka prekur të parin trajnerin Dritan Mehmeti, teksa kryeqytetasi ia doli të ngjisë ekipin në Superligë edhe pse e mori ekipin në një fazë jo të mirë sezonin e fundit. Mehmeti ka qendë edhe më herët trajner te Dinamo në sezonet 2013-2015, ndërsa prej 2018 ishte pjesë e Partizanit, edhe në rolin e trajnerit të parë.
