Dinamo pritet të jetë surpriza e fundit të merkatos. Ndryshimet që kryeqytetasit bënë në klub, trajneri i ri dhe projekti për bashkëpunimin me City-n kanë bërë që tifozët e Bluve të presin emra të mëdhenj në ekip. Pas firmës me Luigi Di Biagon, ish-trajnerin e Italisë U-21, Dinamo po kërkon edhe Sidrit Gurin.
Ish-sulmuesi i Kombëtares ka dalë i lirë pas largimit nga Istanbulspor, aty ku luajti për një sezon në Superligën e Turqisë. Tanimë "Nëndetësja" po kërkon informacion për 29-vjeçarin shkodran, që mund të rikthehet në Shqipëri pas pesë vitesh.
I dalë nga moshat e KF Shkodra, Guri spikati te Vllaznia, Besa, Korabi dhe Kukësi, për të kaluar më pas te Oostende në Belgjikë dhe Shkëndija në Maqedoninë e Veriut. Guri ka qenë pjesë e Kombëtares, teksa ka luajtur edhe dy takime në 2018.
Komente
