PEQIN- Disa të burgosur në burgun e Peqinit, janë mbyllur në qeli dhe kanë refuzuar marrjen e ushqimeve.
Lajmi konfirmohet nga burime për gazetarin e Report TV, Arsen Rusta.
Mësohet se këta të burgosur prej ditës së djeshme kanë refuzuar orarin e ajrosjes dhe ushqimin, me argumentin se kanë pakënaqësi me shërbimet e ofruara nga administrata.
Burime nga brenda burgut, bëjnë me dije se refuzimi ka ardhur edhe si pasojë e mungesës së takimeve me familjarët e tyre si pasojë e situatës me Covid-19.
Nuk dihet se për cilët të burgosur bëhet fjalë, pasi duhet të theksuar se burgu i Peqinit është një burg i sigurisë së lartë, e ndërsa nuk është hera e parë që të dënuarit në këtë institucion kanë bërë grevë urie.
Komento
Komente
