Manchester United humbi 4-0 dje në Londër nga Crystal Palace. Me këtë disfatë djemtë e ten Hag e çojnë shifrën e humbjeve sezonale në 13-të, duke shkruar 'rekordin' më të keq në historinë e klubit brenda një sezoni.
Ky rezultat negativ si dhe paraqitjet e përgjithshme të cilat kanë qenë mjaft zhgënjyese nga ‘Djajtë e Kuq’, me shumë gjasa do ta detyrojnë bordin e klubit që t’i nënshtrohen një rinovimi të madh të skuadrës, ku pritet të ketë largime të mëdha dhe prurje të reja.
Megjithatë, në një edicion që ka pasur luhatje të mëdha, United ka mundësinë që ta mbyllë sezonin me një trofe nëse fitojnë në finalen e FA Cup ndaj Manchester Cityt. Ky duel do të luhet në ‘Uembley’ të Londrës më datën 25 maj me fillim nga ora 16:00.
Komento
