KROACI - Distria Krasniqi është shpallur kampione e Evropës në xhudo në kategorinë deri në 52 kilogramë, në Kampionatit Evropian të Xhudos i cili po mbahet në Zagreb.
Kampionia olimpike e Kosovës në finale mposhti xhudisten italiane, Odette Giuffrida. Krasniqi pati performancë fantastike, duke i fituar të gjitha përballjet e saja.
Ecuria - Krasniqi eliminoi kroaten Ana Viktorija në çerekfinale për të qenë në mesin e katër më të mirave evropiane në kategorinë deri në 52 kilogramë.
Xhudistja pejane në gjysmëfinale mposhti spanjollen Ariane Toro Soler për të siguruar medaljen e argjendtë, por që siguroi të artën në finale.
Komento
Komente
