FIER- Në ditën e shtatë të grevës, gratë janë më të vendosura se kurrë për të mos u dorëhequr nga dy kërkesat e tyre, pagat e prapambetura dhe fillimin e punës.
Kjo edhe për faktin sepse nuk ka asnjë reagim nga ana e autoriteteve për t'i ofruar një zgjidhje. Ata kërkojnë që kryeministri të shkojë te ata për një zgjidhje.
"Sot jemi më të rënduar, me siklet, e kam thënë dhe do e them që nuk do të tërhiqemi deri sa të plotësohen kërkesat tona, rrogat dhe rifillimi i punës. Unë do bëj sakrificë deri në fund. Deri tani nuk ka asnjë reagim, i lutem kryeministrit t'i japë një zgjidhje sa më parë".
"Asnjëherë, do vazhdojmë deri në fund. Lodhja është e madhe, por ne nuk dorëzohemi, asnjë reagim asgjë, jemi shumë të lodhur, dhimbje trupi. kemi kërkuar ndihmën e mjekut. Do vij tani".
"kërkojmë një zgjidhje, presim një reagim, presim një përgjigje, është dita e shtatë, jetë të sëmura. Ne nuk tërhiqemi se i kemi konsumuar të gjitha, arritëm deri këtu, morëm këtë vendim, s'kishim rrugëzgjidhje tjetër. Gjendja po rëndohet, s'kemi zgjidhje tjetër", shprehen naftëtarët.
