SPANJË- Dhjetëra mijëra gra marshuan në demonstrata në të gjithë vendin e gadishullit iberik, të premten për të protestuar kundër pabarazisë gjinore dhe për të shënuar Ditën Ndërkombëtare të Gruas.
Për të shënuar këtë rast, Ministrja e Barazisë e Spanjës, Ana Redondo njoftoi të premten se qeveria do të rikthejë një projektligj për trafikimin e qenieve njerëzore, i cili u propozua vitin e kaluar, por nuk u miratua për shkak të zgjedhjeve të përgjithshme të korrikut.
Në Madrid, shatërvani Plaza Cibeles u kthye në ngjyrë vjollcë me drita për të shënuar ngjyrën e lëvizjes feministe, ndërsa protestuesit të veshur me maska të bardha, dolën në rrugë.
“Ne gratë, nuk jemi dëgjuar për një kohë të gjatë dhe jemi shumë të lodhura duke mos pasur të njëjtat përfitime dhe që duhet të luftojmë për nevojat bazë”, tha Natalia Hofmann, 34, psikologe, në një intervistë në Barcelonë.
Protestat u mbajtën nga mijëra grupe feministe në 40 qytete spanjolle.
