Mjeshtrit e telajos të frymëzuar nga ngjyrat dhe pamjet piktoreske të Korçës e rrethinave, sollën një ekspozitë të veçantë me krijimtarinë e tyre.
Kolonia e pikturave “Ditët e Mios” çeli edicionin e saj të 11-të mbrëmjen e së hënës në hollin e teatrit “Andon Zako Cajupi”
Për 4 ditë me rradhë 23 artistë pjesëmarrës do të do të hedhin në telajo ngjyrat e vjeshtës në lindje të vendit
“Sot e çelëm këtë koloni me një ekspozitë për të njohur publikun me veprat më të mira sepse fondi prej 11 vitesh ka një fond të pasur të galerisë për t’i njohur dhe artistët e tjerë me disa nga veprat më të mira të kolonisë ndër vite. Ne edhe këtë vit kemi munduar t’ia dalim pasi kemi sjellë piktorë nga Polonia, Bullgaria, Turqia, Greqi, Kosova dhe Shqipëria. Ata qëndrojnë për 4 ditë në Shqipëri dhe në 28 tetor ato çelin ekspozitën e tyre me punët që ata kanë bërë”, Blerta Belliu, Drejtore e Qendrës Kulturore “Vangjush Mio”.
Ekspozitës nuk i munguan pikturat e artistëve ndër vite me peizazhe nga vendet më frymëzuese të të mjeshtrit të madhit Vangjush Mio.
Ekspozita "Ditet e Mios ", kolonia ndërkombëtare e Arteve figurative vjen për të 11-tin vit radhazi në qytetin e Korçës e do të vazhdojë deri më 28 tetor, ku ndalesa e radhës do të jenë vendet turistike Dardha dhe Vithkuqi.
