Kanë përfunduar me sukses ditët konsullore në Dublin, një nismë e Ministrisë për Evropën dhe Punët e Jashtme, për t’i ardhur në ndihmë shtetasve shqiptarë që jetojnë e punojnë në Irlandë.
Lajmi u bë i ditur nga ministri i Jashtëm Igli Hasani, me një postim në rrjetet sociale, i cili shkruan se ditët konsullore janë pjesë e projektit “Ishujt”, të zbatuar në Greqi e Irlandë në periudhën prill – qershor 2024, gjatë të cilit u ofruan rreth 2 mijë shërbime konsullore për shtetasit shqiptarë që banojnë në këto dy shtete.
““Ishujt” aplikohet për të tretin vit rradhazi duke lehtësuar ndjeshëm shërbimin, përmes shkurtimit të kohës dhe dokumentacionit, për të gjithë ata shtetas që aplikojnë për dokumente identifikimi apo shërbime të tjera konsullore”, shkruan ministri.
