Deri më 31 Mars, rreth 144 mijë qytetarë do të duhet të plotësojnë deklaratën individuale së të ardhurave vjetore DIVA 2024. Detyrimin për të plotësuar DIVA-n e kanë të gjithë ata qytetarë që kanë të ardhura vjetore mbi 1.2 milion lekë dhe nëse nuk i deklarojnë të ardhurat do të gjobiten.
Nëse nuk shlyejnë gjobën, atëherë ndërhyn përmbarimi. Administrata tatimore njofton se nga verifikimet rezultojnë rreth 33 milionë euro të ardhura të gjeneruara nga individët nëpërmjet platformave sociale META, Youtube dhe Google që duhen të deklarohen në DIVA 2024.
Afati për dorëzimin e DIVA 2024 është data 1 Prill.
“Nga verifikimet paraprake me bankat rezultojnë rreth 33 milion euro të ardhura nga individët për platformat Meta, Facebook, Youtube, Google etj. Administrata Tatimore fton tatimpaguesit ti deklarojnë këto të ardhura në Diva 2024. Afati final i dorëzimit të DIVA 2024 është data 1 prill”, thuhet në njoftimin e Tatimeve.
Në Shqipëri, TikTok numëron rreth 1.4 milionë përdorues, Facebook dhe Instagram kanë secili rreth 1.2 milionë përdorues, ndërsa platforma “X” e Elon Musk numëron rreth 200 mijë përdorues në Shqipëri.
Komente
