GJIROKASTËR- Pas djegies së flamurit shqiptar nga një minoritar grek nga Finiqi, para Konsullatës Greke në Gjirokastër, "Djemtë e Labërisë" kanë protestuar për largimin e konsullit Lambros Kakizis.
Edhe pse në vend është i ndaluar grumbullimi për shkak të rritjes së rasteve me COVID-19, qytetarët nga zonat e jugut të vendit kanë mbërritur me 3 furgona për të protestuar në mënyrë paqësore këtë akt që nxit urrejtje etnike.
Ata kanë protestuar për largimin e konsullit grek pasi sipas tyre ai ka nxitur urretjen etnike dhe po ndërmerr një fushatë kundër interesave të shqiptarëve duke kontribuar në shkombëtarizim të shqiptarëve.
Gjithashtu Platforma e Shoqatave Atdhetare Shqiptare i ka drejtuar një kërkesë shtetit shqiptar për largimin e konsullit grek dhe largimin e monumenteve greke në Shqipëri.
Pjesë e protestës ishte edhe deputeti 'donzhuan', Kristaq Papa i cili është shprehur se ka një manifestim paqësor nga ana e tyre.
"Jemi këtu me një grup deputetësh dhe përfaqësues të shoqërisë civile apo të të drejtave të njeriut. Këto akte nuk janë demokratike, nuk janë diplomatike nuk i shërbejnë dy vendeve. Ka shumë persona nga shoqeria civile, nga forume të të drejtave të njeriut, përfaqësuesit e rendit të shtetit në kushtet e një pandemie edhe pse Gjirokastra është një zonë e gjelbër", shprehet ai.
Një qytetar nga Kukësi i bën thirrje policisë dhe presidentit që të zbatohet Kushtetuta e të mos provokohen shqiptarët.
"Konsullata ka sponsorizuar qasje ekstremiste për nxitjen e urrejtjes etnike, thirrja ime shkon për instancat shtetërve që janë të shitura, t'i thirrin mendjes e të zbatojnë kushtetutën. Një thirrje tjetër shkon për policinë, që me këtë rast tregon se është në shërbim të Greqisë dhe jo Shqipërisë. Jemi këtu që të ndalohet provokimi i shqiptarëve", shprehet ai.
Pas përfundimit të protestës tre organizatorët Arben Kola dhe Andon Kola dhe Florijan Canaj janë gjobitur me 5 milionë lekë të reja, ndërsa janë shoqëruar rreth 20 persona.
Organizatorët e tubimit të sotëm në Gjirokastër janë gjobitur nga Inspektorati Shtetëror Shëndetësor me 5 milionë lekë të reja. Gjoba është vendosur, pasi nuk janë zbatuar edhe rregullat e distancimit social, të cilat janë konfirmuar nga ISHSH.
Fleta e gjobës i'u është dorëzuar tre prej organizatoreve të këtij tubimi fill pasi kanë deklaruar përfundimin e protestës. Kreu i ISHSH Gjirokastër Edi Sinojmeri shpjegon se grumbullimi i njerëzve dhe mosrespektimi i distancës gjatë protestës së sotme, mungesa e masave mbrojtëse ndaj COVID-19, bie ndesh me aktin normativ të qeverisë shqiptare dhe si i tillë ndëshkohet me gjobe.
Tubimi i sotëm u zhvillua nga disa shoqata patriotike, pas djegies së flamurit shqiptar nga një minoritar nga Finiqi.
Komente
Eshte turp qe mereni me veprimet e nje debili.Populli shqiptar dhe populli grek kane jetuar dhe do jetojne ne harmoni ne shekuj.Nacionalizmi eshte streha e fundit e maskarenjeve.
PërgjigjuMir qe kan ngelur akoma disa djem te guximshem si ARBEN KOLA dhe djemt e laberise
PërgjigjuPa dihj ndonje flamur ne shtetet e tyre shikoni cu bejn vetem te ne ndodhin popull zgjebs
PërgjigjuShtet kurve.. Të djeg greku flamurin në vendin tënd... Duhet dënuar 25 vjet burg ai greku katit... Shqiptarët në Greqi dënohen për veprime shumë shumë të vogla edhe u rritet dënimi kur janë brenda... Shtet kurve që nuk vepron
PërgjigjuShikoni o Shqiptare se cfar brezi po rritet ne Shqiperi , te cilet protestojne per Turin dhe nuk protestojne se ju dogj FLAMURI
PërgjigjuCdo veprim qe ben nje budalla behet lajm dhe i krijon probleme gjithe shoqerise.Ne vend te dalin lajme pozitive dalin lajme qe te krijojne percarje
PërgjigjuShteti duhet te reagoj dhe ti japi denimin qe i meriton per kete akt barbar se perndryshe do perseritet prape.
Përgjigju