Dhjetra njerëz kanë sulmuar godinën e ambasadës suedeze në kryeqytetin e Irakut, Bagdad, pasi libri i Kuranit u dogj gjatë një proteste në Suedi. Të enjten, një klerik i fuqishëm Moqtada Sadr, bëri thirrje për një protestë dhe në rrjete sociale u publikuan pamje të dhjetëra personave që i bashkoheshin.
Protesta ndodhi pasi Salwan Momika shkeli librin e shenjtë të myslimanëve dhe i vuri flakën disa faqeve përpara xhamisë më të madhe të Stokholmit. Djegia e Kuranit u dënua nga shumë vende me shumicë myslimane.
Djegia e Kuranit është bërë shtylla kryesore e ekstremistëve të djathtë në Suedi, me politikanin danezo-suedez të ekstremit të djathtë Rasmus Paludan që ka bërë emër me akte të tilla. Por Paludan nuk ishte prapa aksionit të së mërkurës.
Megjithëse Suedia rrallë ndalon protestat ose djegien e librave, një demonstratë e planifikuar kundër NATO-s që do të përfshinte gjithashtu një tubim me djegien e Kuranit, u bllokua nga policia suedeze në shkurt.
Para kësaj, ekstremistët e ekstremit të djathtë kishin djegur një Kuran jashtë ambasadës turke.
