Skandali i vrasjes së Sabrina Bengës nga ish bashkëshorti i liruar nga burgu 2 muaj para krimit të rëndë thellohet gjithnjë e më shumë nga detajet e zbuluara. Vrasësi Elton Meta, i cili është lënë i lirë me pretendimin se ishte i sëmurë mendor, në fakt e kërcënonte ish-bashkëshorten e tij edhe nga qelitë e burgut.
Gazetarja Anila Hoxha ka treguar sot se vrasësi dy javë para se të dilte nga burgu, e kishte kërcënuar me vdekje bashkëshorten.
"Kjo ishte një vrasje që mund të parandalohej. Dy javë para se të dilte nga burgu i Zaharisë ai i ka thënë se do të vras. Vajza ka rrëfyer kanosjen në polici dhe çështja është dërguar në prokurori, por është neglizhuar dhe nuk është ndjekur. Në pamje të parë duket se vetëm gjykata është përgjegjëse, por kur shikon dosjen kupton se një serë institucionesh janë bërë bashkë", ka thonë Hoxha.
Lajmi kryesor:
Drejtësi për Sabrina Bengaj! Protestë në Tiranë e Fier: Vrasja e grave është pandemi, ku janë vaksinat? Këtë vit 12 gra ministre dhe 14 gra të vrara
K.T./ReportTv.al