Orjela Nebiaj dhe Petrit Doda kanë dorëzuar formularët e vetëdeklarimit në Komisionin Qëndror të Zgjedhjeve si procedurë për marrjen e mandatit të deputetit në rradhët e partisë Demokratike.
Lajmi është bërë i ditur nëpërmjet një njoftimi të bërë nga KQZ.
“Në përgjigje të interesit tuaj, ju informojmë se z. Petrit Doda dhe zj. Oriela Nebiaj e dorëzuan formularin e vetëdeklarimit në KQZ. Formularët e vetëdeklarimit do të publikohen sipas procedurave përkatëse në faqen zyrtare të internetit të KQZ”-thuhet në njoftimin e bërë nga Komisioni Qëndror i Zgjedhjeve.
Nebiaj do të zërë vendin e Grida Dumës e cila hoqi dorë nga mandati i saj për t’u përkushtuar në fushën e gazetarisë ku aktualisht moderon një emision. Ndërsa Petrit Doda do të zëvendësojë Alfred Rushajn i cili hoqi dorë nga mandati i deputetit për arsye personale.
