Kronikë
Top 24

Do t'i legalizonin ndërtimin pa leje me para, bien në pranga dy mashtruesit në Tiranë

Seksioni për Hetimin e Krimit Ekonomik dhe Financiar në bashkëpunim me Prokurorinë e Rrethit Gjyqësor Tiranë, në kuadër të operacionit policor të koduar “Impostors”, ndaloi shtetasit: B. P., 36 vjeç, lindur në Tiranë dhe O. S., 31 vjeç, banues në Tiranë. Këta dy shtetas akuzohen për mashtrim pasi i kanë marrë një shumë parash një gruaje për ti legalizuar një ndërtim pa leje dhe një sipërfaqe trualli.

18 Prill 2019, 20:06| Përditesimi: 18 Prill 2019, 20:14

  • Share

Dy persona kanë rënë në prangat e policisë së Tiranës pasi akuzohen  për veprën penale 'Mashtrim' të ushtruar ndaj një gruaje.

Sipas policisë shtetasit e arrestuar janë B. P., 36 vjeç, lindur në Tiranë dhe O. S., 31 vjeç, banues në Tiranë . Shtetasit e mësipërm në bashkëpunim me njëri-tjetrin, me anë të mashtrimit, i kanë marrë një shtetaseje një shumë prej 27 780 euro dhe 985 000 lekë, për legalizimin e një ndërtimi pa leje dhe për njohjen e një sipërfaqeje trualli.

Operacioni i koduar "Impostors" është organizuar nga  Seksioni për Hetimin e Krimit Ekonomik dhe Financiar në bashkëpunim me Prokurorinë e Rrethit Gjyqësor Tiranë.

Materialet procedurale i kaluan Prokurorisë pranë Gjykatës së Shkallës së Parë Tiranë, në ngarkim të shtetasve të mësipërm për veprën penale “Mashtrimi”, të parashikuar nga neni 143/3 i Kodit Penal.

Komento

Komente

  • Sondazhi i ditës:

    Produkte me pesticide, sa besim keni te siguria ushqimore në Shqipëri?