Elton Grabocka, 46-vjeç banues në Korçë është arrestuar nga policia pasi është kapur në pikën kufitare të Qafë-Thanës, duke transportuar drogë.
46-vjeçari u arrestuar nag kuadër të operacionit antidrogë "Restart 17". Policia gjatë kontrollit të ushtruar në vijën e dytë, në dalje të Republikës së Shqipërisë, në Pikën e Kalimit Kufitar Qafë Thanë, gjeti në automjetin tip "Volkswagen" që drejtonte 46-vjeçari, 53.3 kilogramë me lëndë të dyshuar narkotike cannabis sativa, e ndarë në pako.
‘Sasia e drogës, e cila dyshohet se do të trafikohej në drejtim të Maqedonisë së Veriut, u sekuestrua në cilësinë e provës materiale, së bashku me dy celularë dhe automjetin.
Vijojnë hetimet për dokumentimin e plotë të rastito dhe për vënien para përgjegjësisë ligjore të shtetasve të tjerë të implikuar në këtë veprimtari kriminale.’- njofton policia.
Komente
