Dogana e Morinës ka marrë një pamje krejtësisht të re. Në këtë pikë kalimi është bërë urbanizimi dhe ndriçimi i ambienteve ndërsa muralet në fasadën e godinave mundësojnë një imazh të bukur për turistët e huaj dhe qytetarët që lëvizin në të dy anët e kufirit Shqipëri- Kosovë.
Tashmë janë 12 korsi dhe një by-pass i ri për kontrollin e kamionëve dhe mjeteve të transportit. Modernizimi i pikës kufitare u realizua në kuadër të Paktit të Stabilitetit, me një fond të Bankës Botërore prej rreth 1 milion eurosh.
Ndërkohë sezoni turistik ka rritur ndjeshëm fluksin e lëvizjes. Në muajin qershor kanë hyrë në Shqipëri 580 mijë e 633 shtetas të Kosovës. Fluksi i lëvizjes në dyja anët e kufirit pritet të jetë në rritje gjatë korrikut dhe gushtit.
Sakaq, kalimi në Morinë bëhet me procedura të lehtësuara, pa kontroll të pasaportave, përgjatë 9 muajve të vitit si dhe në fundjava dhe ditë festash.
SI.E./ReportTv.al
![](https://www.report-tv.al/template/img/antipiracynote.jpg)