Gjykata e Vlorës jep burg përjetë per Kasem Pirjasin dhe 35 vjet burg për Hysnie Hoxhallarin, të cilët akuzohen për vrasjen e më pas djegien e bashkëshortit dhe vjehrrës së Hysnies.
Denimi i tyre do te kryhet në një burg të sigurise se lartë. Ngjarja makabër tronditi Vlorën më 22 janar të vitit 2018 ku Hysnie Hoxhallari në bashkëpunim me të dashurin e saj Kasëm Pirjasi vranë bashkëshortin dhe vjehrrën e Hysnies, Olsi dhe Selkie Hoxhallari.
Shkak i kësaj vrasje është bërë lidhja e fshehtë që Hysnija kishte me Kasëmin. Krimi u raportua në polici nga vetë e pandehura Hysnie Hoxhallari e cila pasi ka dhënë dëshminë në policinë e Vlorës është kthyer në banesë duke dhënë dhe një intervistë në media, ku ka folur për ngjarjen e rëndë duke treguar se nuk dinte se ku kush mund ta bënte një gjë të tillë, dhe se gjithçka mund të kishte ndodhur për grabitje, pasi burri i saj Olsi Hoxhallari sapo ishte kthyer nga Greqia, ku punonte si emigrant sezonal.
Nga ana tjetër mbrojtja e Hysnie Hoxhallarit, kërkoi pafajësinë për akuzën vrasjes në rrethana familjare, dhe trajtimin e saj të pandehur për fshehje të kësaj vrasje dhe moskallëzimit të krimit. Gjithashtu u kërkua dhe rishikimi i akuzës pasi vrasja në rrethana familjare nuk mund të merret parasysh për persona pa lidhje gjaku me njëri-tjetrin.
Avokati Zotaj pretendoi se klientja e tij nën presionin e zbulimit të lidhjes jashtë martesore ka kryer veprime që mbrojnë autorin Pirjasi. Sakaq, prokurori Maksim Dita më seancën e mëparshme kërkoi 35 vite dënim për Hysnie Hoxhallari dhe dënim të përjetshëm për Kasëm Pirjasi. Çka u pranua nga gjykata në vendimin përfundim
Vendimi i Gjykatës
