TIRANË- Luftar Reçi u shndërrua në vjeshtën e vitit 2020 në të penduarin më të rëndësishëm të SPAK, duke trazuar dhe alarmuar emrat më të njohur të botës së krimit në Shqipëri, përmes dëshmive të tij për krime të bujshme të 17 viteve më parë, të pazbardhura nga drejtësia. Por, Luftar Reçi kishte vite që kërkonte të fliste. Në vitin 2016, Luftar Reçi i ka dërguar një letër Adriatik Llallës, në atë kohë kryeprokuror, duke i kërkuar bashkëpunim me drejtësinë për të rrëfyer detaje nga aktiviteti kriminal, në këmbim të zbutjes së pozitave të tij, pasi ishte dënuar me 25 vite burgim për vrasjen e Maksim Lalës. Më konkretisht, Luftar Reçi kërkonte të rrëfente rolin e Ymer Lalën në vrasjen e Maks Lalës. Luftar Reçi pretendonte se Maks Lala ishte vrarë me porosi të Ymer Lalës, pasi sipas tij Maksi ishte në dijeni të aktivitetit kriminal të Ymer Lalës, dhe se Maksi po fuqizohej dhe kthehej në një rrezik për Ymerin.
Pas kësaj letre vihet në lëvizje Prokuroria e Përgjithshme. Në 7 prill 2016, drejtori i Drejtorisë Gjyqësore në Prokurorinë e Përgjithshme, Adnan Xholi, i dërgon një letër Prokurorisë së Korës për Luftar Reçin, i cili po vuante dënimin e në burgun e Drenovës në Korçë. Prokuroria e Përgjithshme, në letrën e saj, thotë se Luftar Reçi është i pasinqertë dhe kontradiktor në rrëfimet e tij, dhe se ka hallin të dalë nga burgu për vrasjen e Maks Lalës. Prokuroria e Përgjithshme u kërkon prokurorëve të Korçës që të kenë kujdes pasi Reçi mund të gënjejë për implikimin e personave të tjerë, për vrasjen e Maks Lalës, për të cilën është dënuar vetë.
“Në adresë të Prokurorit të Përgjithshëm ka ardhur letra e të dënuarit Luftar Reçi, i cili ndodhet në IEVP-Drenovë, me anën të së cilës kërkon që të kontaktojë me një prokuror, për të treguar prova të cilat implikojnë një person, i cili sipas tij, ka urdhëruar vrasjen e shtetasit Maksim Lala në vitin 2005, krim për të cilën është dënuar ai.
Paraprakisht ju informojmë se, ndër vite dhe në vijimësi ky person ka mbajtur kontakte me persona të autorizuar nga Prokurori i Përgjithshëm, duke synuar para tyre të shfaqet si bashkëpunëtor i drejtësisë, në këmbim të zbutjes apo përjashtimit nga dënimi, por që prej prokurorëve është vlerësuar se, deklarimet e tij kanë qenë të pasinqerta, si lidhur me ngjarjet e rënda kriminale, për të cilat ka dhënë shpjegime, ashtu dhe për krimin për të cilin ai vetë është deklaruar fajtor nga të gjitha nivelet e gjykatave, ndaj dhe mes palëve nuk është nënshkruar marrëveshja e bashkëpunimit.
Gjithsesi, nga ana juaj të merret kontakt me të për të dëgjuar pretendimet e tij dhe për t'i vlerësuar ato por, në rast se biseda kufizohet vetëm në krimin për të cilin ai është deklaruar fajtor e dënuar me vendim të formës së prerë, të sqarohet se, pretendimet për pafajësinë e tij janë shqyrtuar nga gjykatat, të cilat duke analizuar ato në raport me të gjitha provat e administruara gjatë procesit, janë bindur përtej çdo dyshimi për autorësinë e tij në krim, ndaj për çdo pretendim që mund të ketë lidhur me atë ngjarje, ai të ndjekë rrugën ligjore, duke i paraqitur provat që ai disponon, nëpërmjet avokatit të tij në Gjykatën e Lartë, e cila ka autoritetin e vetëm për të vlerësuar nëse ato janë bindëse dhe të tilla që mund të justifikojnë rishikimin e vendimit apo jo”, thuhet në shkresën e Prokurorisë.
Pavarësisht kësaj shkrese, Lufta Reçi vijoi të fliste. I dënuar me 25 vite burgim për vrasjen e Maksim Lalës, Lufta Reçi ka rrëfyer në datat 21 tetor, 31 tetor dhe 26 nëntor 2020, të gjithë veprimtarinë kriminale që ka pasur me Lulzim Berishën dhe anëtarët e tjerë të bandës së tij, duke implikuar edhe Emiljano Shullazin, me qëllim për të zbutur dënimin e tij. Luftar Reçi implikoi Viktor Bajraktarin (Imeraj), Emiljano Shullazin, Indrit Taullain, Lulzim Berishën, Plarent Dervishajn dhe Indrit Rusin në vrasjet e Klodjan Saliut, Vajdin Lamajt dhe mikut të tij Artan Arsi.
SPAK ka vepruar ndaj të gjithë emrave të implikuar nga Reçi duke i arrestuar ose shpallur në kërkim, ndërsa ka referuar dosjen në Gjykatën e Posaçme. Nga ana e tij, Emiljano Shullazin ka hedhur poshtë dëshminë e Reçit, duke pretenduar se nuk e ka takuar dhe njohur kurrë. Megjithatë, të implikuari u angazhuan fillimisht për të blerë dhe korruptuar Reçin me 260 mijë euro dhe oferta të tjera, ndërsa më pas, kur Reçi po zvarritje përgjigjen, nisën zbatimin e planit për ta helmuar në burg. Zbatimi i planit u parandalua dhe u çmontua nga SPAK, ku u arrestua Elton Goskova, i njohur si Reqi i Korçës, ndërsa u shpall në kërkim nga Ervis Kosovën.
Letra e Prokurorisë së Përgjithshme për Luftar Reçin në vitin 2016
Komente
ky po mer njerez te pafajshem meqaf Ky do te dali nga burgu vet e po ja rras te tjerve qe jan te pafajshem spaku duet te ket prova jo se flet ky tani e i bie ti fusim ter burg tani
PërgjigjuKy eshte nje kokerr mashtuesi delenxhi, kete maksimumi per te blere cigare mund ta dergonin e jo te benin muhabete vrasjesh me kete 5 mije leksh . Ky ka nxjerre ne prite edhe vellane e vet qe kishte bingon Ylli qe u vra te Filoqyli.
PërgjigjuPo ky esht palaço, clidhje ka ky me gjith kto ngjarje, pse nuk e nxjerrin kaseten qe ka Klodiana Lala ku ky flet per nje numer shum te madh vrasjesh ne shqiperi sikur ka mar pjese tek te gjitha, apo se aty permenden emra te rendsishem te politikes sotme edhe biznesmene te forte, pse marin vetem dy ngjarje te sajuara nga ky te servirura nga agron kulicaj dhe tonin vocaj per ti dhene statusin ktit palaco burre qe ka vrare familjaret e vet. Po ymer lala pse nuk futet ne burg per vrasjen qe ka treguar ky palaco apo ke si duhet e fusin e kush i duhet nuk e fusin ne burg. Ky esht spaku qe do bente drejtesi ne shqiperi?? Turp
PërgjigjuKy mir qe eshte i drejtesise Po kujt drejtesie e draperit te drejte apo pikepyetjes se shtrembur!? Cuditerisht habitem si paska njohur gjithe keto elementa kaq te rrezikshme ky njeri edhe ato paskan diskutuar me kete!? Paska qen my pjese e grupit te durresit paska gjetur ai minat per ti ja dhen durresit edhe durresi tiranes! Hajde drejtesi edhe biseda Alla tymce shqiptare! Sikur je tuj bo muhabet tek pazari ri duke ngren qofte me turshi edhe kck! Un se kuptoj si ka kurajos me u marr me banden e durresit me shullazerit me shoke edhe me vloren! Pu pu pu ngaterrohu edhe korcen! Hahahahhah mjere ky I shkreti me fis e me fare cdo heqi se sdihet nga do I vij...
Përgjigjupo duket qarte qe genjen! nuk ka asnje mundesi qe ato vrasje aq te rrezikshme qe dihet se do kishin pasoja mbas te beheshin muhabete aq publike sa ti dinte dhe ky! fakti qe e hedh poshte gjithe deshmine e keti eshte se ky ka qene mik me ymer lalen qe ka qene shoku u ngushte i vajdinit! dhe e dyta keq per shofer ishte lenti dhe indriti qe moren kete! ky nje kokrra katunarit e ben dshmine me hamendje pa diskutim qr vrasesit jane ata po ky ska pas shance fare te jete pjese e muhabeteve!
Përgjigju