Në etapën e dytë të Turit 75-të Çiklistik të Shqipërisë është ngjitur në podium edhe një çiklist i ekipit shqiptar, teksa Xhulio Kamberaj ka zënë vendin e dytë. Ashtu si në etapën e parë, vendin e parë e ka zënë një italian.
Nikola Marini i ekipit MS Tina preu i pari finishin në Elbasan. Etapa e dytë ka qenë e tëra thuajse fushore, me nisjen nga Korça dhe përfundimin në Elbasan. Në etapat e para kanë dominuar italianët, teksa i kanë fituar të dyja.
Etapa e tretë do të zhvillohet të hënën, që starton nga Elbasani dhe përfundon në Vlorë, ku do të përshkohen 166 km, e gjitha fushore. Në total do të jenë 5 etapa, e katërta Vlorë-Sarandë dhe e fundit Sarandë-Fier, duke përshkuar gjithsej 805 km.
Komento