“Taksa e trafikut “vdiq”. Manhattan dhe i gjithë Nju Jorku janë të sigurt. Rroftë mbreti”, ishte vetë Donald Trump që e shkroi këtë në rrjetin e tij social “Truth” duke iu referuar heqjes së një takse qarkullimi në atë që ai e cilëson “qytetin e tij”.
Për të festuar këtë moment historik, Shtëpia e Bardhë postoi një kopertinë të modifikuar të revistës “Time” duke e prezantuar Presidentin me një kurorë të artë në kokë në sfondin e rrokaqiejve të Manhatanit. Në vend të emrit të gazetës historike shkruhej vetëm “Trump”.
“Ne do të shihemi në gjykatë” iu përgjigj guvernatorja e Nju Jorkut, Kathy Hochul, sekretarit për transportin Sean Duffy, i cili i dërgoi asaj letrën ku ishte anulimi i taksës së qarkullimit në Manhatan.
“Ne jemi një komb ligjesh, jo i sunduar nga një mbret. Autoriteti Metropolitan i Tranzitit, i cili ishte përgjegjës për zbatimin e taksës, e apeloi menjëherë vendimin në gjykatë”, shtoi ajo.
Kathy Hochul e mbrojti taksën e qarkullimit.
“Që kur taksa, e pari e këtij lloji në vend, hyri në fuqi muajin e kaluar, trafiku ka rënë në mënyrë dramatike dhe udhëtarët po shkojnë në punë më shpejt se kurrë. Shfaqjet në Broadëay po shiten dhe trafiku i këmbësorëve për bizneset lokale është rritur” shtoi ajo.
Kopertina e rreme me “Mbretin Trump” ka ndezur debatin politik në SHBA.
“Republikanë, ndaloni së ekzagjeruari dhe ta quani mbret”. Përfaqësuesi demokrat i Virxhinias, Don Beyer shkroi në X: “Në Shtetet e Bashkuara, ne nuk kemi mbret”, tha David Hogg, nënkryetari i Komitetit Kombëtar Demokratik.
Këtij koncepti i bëri jehonë edhe guvernatori i Illinois, JB Pritzker.
“Si guvernator i Illinois, betimi im është për Kushtetutën e shtetit tonë dhe kombit tonë. Në Amerikë ne nuk kemi mbret dhe unë nuk do të gjunjëzohem para asnjërit prej tyre”, tha ai.
"CONGESTION PRICING IS DEAD. Manhattan, and all of New York, is SAVED. LONG LIVE THE KING!"
— The White House (@WhiteHouse) February 19, 2025
–President Donald J. Trump pic.twitter.com/IMr4tq0sMB
Komente
Ka shokë zogji i parë dhe kë dotë thoni ju Trampin.
PërgjigjuKy eshte komplet psikopat or teeeejjjjj
Përgjigju