Donald Trump është një hap më afër nominimit si kandidat për president i republikanëve, pasi mundi edhe Nikki Haley-n në shtetin e saj, Karolinën e Jugut. Ish-presidenti fitoi me një diferencë prej 20 pikësh, fitorja e tij e katërt radhazi.
Ish-presidenti ishte favorizuar gjerësisht për të fituar shtetin jugor, pavarësisht nga akuzat e tij penale dhe statusi i Haley-t si në Karolinën e Jugut, e cili fitoi dy mandate si guvernatore.
Trump nuk e përmendi rivalen e tij teksa festoi, ndërsa thekson e vendosi tek zgjedhjet e përgjithshme në nëntor.
"Ne do ta shikojmë Joe Biden drejt në sy," u tha ai mbështetësve disa minuta pasi mediat amerikane e projektuan atë si fitues të shtunën mbrëma. "Ai po shkatërron vendin tonë - dhe ne do të themi 'dil Joe, je pushuar nga puna".
Trump lavdëroi "unitetin" e partisë së tij pas rezultatit, duke thënë: "Nuk ka pasur kurrë një frymë si kjo. Unë kurrë nuk e kam parë Partinë Republikane kaq të unifikuar".
Haley e përgëzoi kundërshtarin e saj për fitoren në fjalimin e saj. Fitorja e Trump forcoi thirrjet nga mbështetësit e tij se Haley, sfiduesja e tij e fundit, duhet të largohej nga gara .
Por Haley, u zotua të qëndrojë në garë, megjithatë, duke thënë se afërsisht 40% e votave që ajo mori ishte "nuk ishte ndonjë grup i vogël".
"Ka një numër të madh votuesish në zgjedhjet tona paraprake republikane që thonë se duan një alternativë. Unë nuk po heq dorë nga kjo luftë kur shumica e amerikanëve nuk e miratojnë Donald Trumpin dhe Joe Bidenin”, shtoi ajo.
Trump fitoi me 59.8% mbështetje kundrejt 39.5% për Haley. Sondazhet mbarëkombëtare të opinionit para të shtunës i kishin dhënë Trump një epërsi mesatare prej 27.6 pikë përqindjeje.
