Gianluigi Donnarumma kërkon të qëndrojë në Paris edhe përtej verës 2026, atëherë kur skadon kontrata e tij me PSG-në.
Një gjë të tillë portieri italian e bëri me dije pas fitores së të tijve 4-1 kundër Stuttgart në ndeshjen e fundit në grupin e Champions League.
“Shpresoj të qëndroj këtu dhe të zgjas kontratën. Jam këtu, kjo është shtëpia ime. Ndihem shumë mirë këtu dhe shpresoj të vazhdoj të punoj mirë në Paris”, ka deklaruar Donnarumma.
25-vjeçari prej verës së 2021 është pjesë e PSG-së, kur kalonte jo pa konflikte nga Milani. Çdo gjë duket se ka mbetur pas dhe ai është bërë një lider në fushë, kjo edhe për kombëtaren e Italisë, ekip ku mban shiritin e kapitenit dhe ka zhvilluar 70 ndeshje.
Komento
Komente
