GJIROKASTËR-Policia ka arrestuar sot një tjetër person që ishte në kërkim në kuadër të operacionit "Mezhgorani", që vendosi fillimisht në pranga edhe botuesin dhe pronarin e UET-së Henri Çili, ndërsa më pas gjykata e liroi nga qelia duke vendosur që hetimet të vijojnë në detyrim paraqitje.
Personi që u vendos sot në pranga është me inicialet B. M. 32 vjeç banues në Mallakastër. Ai akuzohet për "Organizim të lotarive të palejuara" dhe "Moskallëzim krimi". Me 32-vjeçarin që u prangos sot sipas policisë në total numri i të arrestuarve për këtë operacion shkon në 37, por për vepra të ndryshme penale.
Hetimi nisi në shtator të 2019 për falsifikim, teksa në 'rrjetë' nga përgjimet ranë shumë persona të tjerë me akuza të ndryshme. Kjo dosje tashmë kaloi në SPAK, pasi gjykata e Përmetit shpalli moskompetencë.
Komente
Futja kot kap hallexhinj e plasi mrena
Përgjigju