TIRANË- Erzen Breçani, ish-zyrtar policie dhe i hetuar që prej nëntorit 2023 nga SPAK bashkë me organizatën kriminale të të birit, e goditur nga megaoperacioni “Metamorfoza” nuk do të gjykohet nga GJKKO. Gjykata e Posaçme ka vendosur dërgimin e dosjes në Gjykatën e Tiranës, me argumentin se akuzat për pastrim parash në bashkëpunim dhe përkrahje të autorit të krimit, të cilat rëndojnë mbi ish ish-funksionarin e lartë të Policisë së Shtetit nuk janë kompetencë e saj.
Bashkë me Breçanin Gjykata e Posaçme shpalli moskompetencë për gjykimin edhe të ish-specialistes së Interpol Tirana, Jonida Babameto, të akuzuar për shpërdorim detyre dhe ia kaloi Gjykatës së Tiranës, me të njëjtin argument. Më herët, vetë Breçani teksa deklaroi se nuk do të pranonte gjykim të shkurtuar, mohoi akuzën.
"Unë dua të gjykohem me procedurën e zakonshme. E njoh shumë mirë hetimin dhe në dijeninë time, ky që është pas meje, Bujar Ajeti që e njoh që kur ishim fëmijë, më pas edhe tek RENEA, në dijeninë time nuk ka qenë ky person në kërkim nga shteti shqiptar. Unë kam arsyet e mia pse unë nuk e pranoj gjykimin e shkurtuar. Bujar Ajeti ka qenë i shoqëruar disa herë, ka kaluar kufirin me pasaportë. Unë kam ndjekur kriminelët gjithë jetën time, nuk kam përsë të përkrah këtë kategori tani. Nuk mund ta pranoj që unë të gjykohem me këto prova që janë paraqitur. Për akuzën e “pastrimit të parave”, as më ka shkuar në mend dhe as kam pastruar para. SPAK thotë vetë që nuk kemi mundësi financiare dhe është e vërtetë, paratë për hidrocentralin ia kemi marrë vëllait që ka 25 vite, me disa biznese", citohet të ketë thënë Breçani.
Ndërkohë, trupa e gjyqtarëve, kryesuar nga Erjon Çela, me anëtarë Bib Ndrecën dhe Ardit Mustafajn, pranoi kërkesën për gjykim të shkurtuar, për të akuzuarit e tjerë të grupit të trafikut të drogës, ish-shefin i krimeve, Dedan Gjoni, Adrian Cenaj, Bujar Ajeti, Besmir Murtati, Ismail Zeneli dhe Albert Prenga, nga e cila mund të përfitojnë ulje të dënimit me një të tretën në rast se shpallen fajtor për akuzat ndaj tyre.
Disa nga të pandehurit, kërkuan ndarjen e çështjes nga të tjerët, kërkesë e cila nuk u pranua nga GJKKO. Gjykata ka ndarë nga ky proces personat e tjerë që ndodhen ende në kërkim, mes tyre djali i Erzen Breçanit, Eralbi Breçani, Ervin Mata, Artan Sulejmani dhe Bajram Grabova, në kërkim ndërkombëtar prej nëntorit 2023. Grupi janë në akuzë për trafik droge në disa episode, sigurim të kushteve për vrasje, armë pa leje, pastrim parash, grup të strukturuar kriminal apo nxjerrje të sekretit hetimor. Erzen Breçani, i arrestuar për pastrim parash, pretendoi se i rrezikohej jeta në qeli dhe se vuante nga klaustrofobia, çfarë bindi gjykatën për zbutje të masës së sigurisë.
Foto: Dedan Gjoni
Gjykata e Posaçme pranoi kërkesën për gjykim të shkurtuar, për disa nga të akuzuarit e grupit të trafikut të drogës, i cili u godit në muajin nëntor të vitit 2023 nga SPAK.
Trupa e gjykimit e përbërë nga Erjon Çela kryesues, Bib Ndreca dhe Ardit Mustafaj anëtarë, pranuan kërkesën e 6 të akuzuarve për tu gjykuar me formën e procedurës së shkurtuar, nga e cila mund të përfitojnë ulje të dënimit në rast se shpallen fajtor për akuzat që janë ngritur nga Prokuroria e Posaçme.
Konkretisht u pranua kërkesa e ish-shefit të krimeve në komisariatin numër 6, Dedan Gjoni, Adrian Cenaj, Bujar Ajeti, Besmir Murtati, Ismail Zeneli dhe Albert Prenga, ndërsa Jonida Babameto ish-specialiste në zyrën e Interpol Tirana dhe Erzen Breçani ish-zevëndës drejtuesi i policisë Tiranë kërkuan gjykim të zakonshëm. GJKKO shpalli moskompetencë për Breçanin dhe Babameton dhe gjykimi i tyre i kalon Gjykatës së Tiranës.
Komente
Po kjo asht drejtësia që duam : merren me pronat e të vdekurve që jan vendosur me bisnes të rregullt dhe shpallin moskompetencë për një drejtues policie që i ka përfituar të gjitha ose me grabitje ose me kokainë dhe thotë i kam të vllaut !!! Po vllau ku i mori ???
PërgjigjuSi thote erzen brecani qe nuk jane te verteta o erzen mos u hiq shenjetor se vetem polic nuk je ti ti ke ndihmuar kriminelet sic del ne dosje dhe I ke te vertetuara je I musher me lek kerimi e droge mos bej te ndershmin je je I degjeneuar marre kush te merrte ne studio ty vetem ti ke arrestuar ata qe te kane interesu kaq
PërgjigjuErzen Brekcari. Zyrtari kriminel i mbrojtur nga kryekrimineli Sale Hale Vicidoli. "Eksperi Anadhidhist" i krimit shpellar.
Përgjigju