Është shtyrë sot (5 shkurt) seanca e parë paraprake për dosjen “Toyota Yuaris”, ku bën pjesë edhe ish-kryeprokurori Aurel Zarka.
Shkak u bë moslegjitimimi akoma i palëve, e konkretisht GJKKO la detyrë që avokatët e personave në kërkim të paraqesin prokurat e firmosura nga vetë të akuzuarit. Edhe vetë Zarka që është i vetmi i arrestuar, nuk ishte i pranishëm në seancë por përfaqësohej nga avokatët e tij mbrojtës.
Seanca e radhës u caktua më datë 20 shkurt në orën 09:00, ku pas dëgjimit të palëve, togat e zeza do të vendosin për kalimin në gjykim ose jo të dosjes.
Çështja në fazën paraprake tashmë po shqyrtohet nga gjyqtari Erion Çela pas dorëheqjes së Irena Gjokës, për konflikt interesi pasi kishte qenë trupër gjykuese në çështjen e sekuestros së dy makinave të Suel Çelës në kuadër të operacionit Forca e Ligjit, për të cilat vendosi lirimin e tyre.
Në kërkim për këtë dosje është ish-agjentja e BKH-së Erjon Daupaj, Astrit Vladi dhe avokati Radovan Çela. Prokurorët Klodian Braho dhe Altin Dumani e kanë ndarë dosjen në fraksione të tjera ku vijojnë hetimet për persona të tjerë të përfshirë.
Komente
