Report Tv dhe shqiptarja.com siguron pamjet pas ngjarjes tragjike, ku humbën jetën nënë e bir.
Shtëpia dykatëshe dhe çdo objekt që ka qenë brenda është shkrumbuar plotësisht. Madje në një pjesë të banesës duket një shtëllungë e vogël tymi.
Shkozet Bebexhia një banor i fshatit tregon se ku është gjetur trupi i Rexh Lushit dhe nënës së tij.
“Këtu është gjetur nëna. Ka qenë në katin e dytë (është rrëzuar në katin e parë). Kurse Rexha ka qenë te dhoma e pritjes, në momentin që është djeg, ka rënë çdo gjë ka dal me e nxjerr nënën e vet. Rexha ka rënë këtu ka hipur sipër dhe ka ngelur këtu. Është shembur tavani", tregon ai.
Më tej ai tregon se Rexha jetonte këtu me nënën dhe bashkëshorten e tij. Vëllezërit dhe fëmijët e tij i kishte në emigrim. Pas rënies së zjarrit ai ka lajmëruar policinë.
"Në orën 1 të natës ka dalë jashtë dhe ka lajmëruar policinë. Ka hyrë për të nxjerrë nënën nga shtëpia dhe ka ngel. Bashkëshortja ka dalë jashtë dhe e ka thirrur, por ngeli brenda", shprehet Shkozet Bebexhia për Report Tv "
Lajmi kryesor:
E rëndë në Has! Digjet banesa, djali futet për të shpëtuar nënën, humbin jetën të dy nga flakët! Shpëton nusja! Flasin fqinjët: E gjetëm duke u djegur
Xh.K/ReportTv.al
