Dramë në shtëpinë e skuadrës së futbollit Leicester City. Helikopteri i pronarit tajlandez Vichai Srivaddhanaprabha është rrezuar në parkimin e stadiumit ‘King Power Stadium’ menjëherë pas ndeshjes që Leicester luajti kundër West Ham. Dëshmitarët thanë se helikopteri u rrëzua në parkimin e stadiumit pasi kishte pësuar avari dhe mënjëherë shpërtheu në flakë.
Në bord kanë qënë dy pilotët, vet pronari i Leichester dhe ndoshta edhe vajza e tij dhe ende nuk dihet nëse kanë mbijetuar apo jo. Policia apo edhe vetë skuadra e Leicester ende nuk bëjnë me dije se çfarë ka ndodhur me personat që ndodheshin në bordin e helikopterit por me kalimin e kohës shpresat veniten.
Dyshohet se në bord kanë qënë edhe zv presidenti dhe drejtori sportiv i skuadrës. Në Angli po luten që personat në bord të shpëtojnë por duke parë që helikopteri është shkrumbuar pas rrëzimit duket shumë e vështirë që të ketë të mbijetuar. Biznesmeni tajlandez Vichai Srivaddhanaprabha bëri Leicesterin një skuadër të madhe duke e dërguar edhe tek titulli kampion.
