Pas kafesë me tre miqtë e tij në një lokal në Kodër Kamëz, 30 vjeçari Can Kariçi do të takonte një vajzë në zonën e Institutit. Karriçi nuk arriti asnjëherë në vendin e takimit pasi ai u qëllua sapo hyri në makinë. Burime për Report Tv bëjnë me dije se Karriçi teksa ishte i plagosur me 4 plumba, u zvarrit për rreth 100 metër nga vendi i ngjarjes drejt rrugës që të çon në Institut.
Por plumbat i kishin prekur organet jetësore duke humbur jetën rrugës për në spital. Hetuesit kanë marrë në pyetje vajzën që po e priste në zonën e Institutit, për të kuptuar nëse ajo kishte dijeni për ngjarjen dhe mund të ishte përdorur si karrem për eliminimin fizik të 30-vjeçarit Kariçi. Në deklarimet e saj, e reja është shprehur se nuk kishte dijeni nëse dikush po mundohej ta vriste dhe nuk ka asnjë lidhje me ngjarjen e ndodhur.
Kur kanë kaluar dy ditë nga vrasja, hetimet janë përqendruar tek pista e konflikteve të grupeve kriminale, ndërsa asnjë person nuk është arrestuar apo dyshuar si autor i ngjarjes. Arma e krimit, një kallashnikov, e gjetur në makinën e djegur të autorëve, nuk ka ndihmuar në hetime pasi është shkrumbuar e gjitha. Megjithatë, priten rezultatet nga Laboratori i Policisë Shkencore.
Can Kariçi u ekzekutua në Kodër Kamëz mbrëmjen e së enjtes, pasi piu kafe në me tre miq të tij, mes tyre një vajzë. Për ngjarjen u shoqëruan rreth 15 persona, pjesa më e madhe e tyre familjarë dhe dëshmitarë të vendit të ngjarjes.
Hetimi po bëhet edhe nëse Kariçi mund të ketë pasur konflikte me autorët apo nëse ekzekutimi i tij ka lidhje me vrasjen e dyfishtë të Eriges Mihasit dhe Armand Dumanit në muajin nëntor në Astir. Në vendin e ngjarjes janë të paktën katër kamera sigurie që kanë fushëpamje të qartë dhe mund të kenë filmuar ekzekutimin dhe lëvizjen e autorëve. Kamerat janë sekuestruar nga policia ku pritet që të shërbejnë për zbardhjen e dinamikës dhe autorëve që ekzekutuan 30-vjeçarin Can Kariçi.
Can Kariçi u ekzekutua më 23 dhjetor rreth orës 20:00, i cili po lëvizte me një 'Golf 5' në momentin kur është qëlluar. Edhe në mjetin e viktimës është gjetur një armë tip pistoletë.
Dinamika e vrasjes
30-vjeçari Can Kariçi ka qenë në lokal me miqtë e tij ndërsa është qëlluar sapo ka hipur në automjetin tip 'Golf 5' me targa të huaja rreth orës 20:00 të kësaj mbrëmje. Menjëherë pas krimit, autorët janë larguar me një mjet tip 'Audi'. Kjo makinë u gjet e djegur në zonën e Institutit pak minuta pas vrasjes.
Viktima me precedent penal
30-vjeçari Can Kariçi me origjinë nga Dibra dhe banues në Bathore, rezulton me precedent të mëparshëm penal në fushën e krimeve kundër personit ndërsa është arrestuar edhe në Lezhë gjatë një operacioni të RENEA-s për armëmbajtje pa leje. Kariçit asokohe iu gjet një pistoletë tip ‘GLOCK’ dhe 16 fishekë në xhepin e xhupit. Në shkurt të këtij viti kur u arrestua ka qenë i dyshuar edhe për vjedhje. Kjo pasi në ambientet e lokalit ku u arrestua u sekuestruan edhe targa të vjedhura që u përkisnin automjeteve të tjera. Këto targa dyshohet se do të përdoreshin në ngjarje kriminale. Bashkë me të në atë periudhë u shoqëruan edhe pesë persona të tjerë.
Komente
Duhet te arretohen urgjent ata qe e liruan kete sa u denua per arm mbajtje dhe vjedhje ???!!!
PërgjigjuPa mbyllur llogarite ne kete bote nuk shkojme ne boten tjeter keshtu qe mos beni gjera qe do tju bien mbi koke
PërgjigjuO "Turi" ne Shkrimin tend ke treguar Llogjike dhe Arsye une do te shtoja edhe kete: keta Elemente problematike le te hane Kokat e njeritjetrit si ne Kohen e Al Capones se Populli i mire clirohet nga Ankthi i ketyre Debilave.