Bosi i dyshuar i një prej organizave më të mëdha mafioze të Italisë është arrestuar nga policia në një katedrale në qytetin verior të Genovas. Pasquale Bonavota ka qenë në kërkim nga policia që nga viti 2018 pasi iku nga një urdhër arresti i akuzuar për vrasje dhe drejtimin e shoqatës mafioze.
Policia thotë se 49-vjeçari drejton mafien famëkeqe 'Ndrangheta’.
Grupi është familja më e fuqishme mafioze e Italisë dhe thuhet se kontrollon pjesën më të madhe të furnizimeve të kokainës në Evropë.
Pasquale Bonavota - të cilin gazeta La Stampa e përshkruan si "fëmija boss" - kishte qenë në katedralen e qytetit kur u arrestua dhe mbante një ID false, shkruan BBC.
Ai është një nga të pandehurit në një seancë gjyqësore, pas një operacioni në të cilin më shumë se 300 persona përballen me akuza në lidhje me krimin e organizuar.
Pasquale Bonavota përshkruhet si një lider që "merrte vendimet më të rëndësishme" së bashku me bosët e tjerë të lartë "Ndrangheta" dhe "kujdesej për interesat e organizatës në zonën e Romës dhe në sektorët e lojërave të fatit dhe trafikut të drogës.
Arrestimi i tij vjen tre muaj pas kapjes së profilit të lartë të bosit të mafias sicilian Matteo Messina Denaro në janar pas 30 vitesh në arrati.
Sindikata kriminale 'Ndrangheta' bazohet rreth klaneve familjare, ose 'ndrine', të cilët tradicionalisht kontrollonin fshatrat në majë të maleve të rajonit jugor të Kalabrisë.
Ndërsa Cosa Nostra e Siçilisë dhe Camorra rreth Napolit janë më të njohura ndërkombëtarisht, të dyja janë dobësuar nga një goditje e pamëshirshme e policisë.
Si rezultat, 'Ndrangheta' është ngritur në vend të tyre dhe tani është mafia më e fuqishme e Italisë, me degë në mbarë botën, nga Amerika e Jugut në Australi, dhe një qarkullim vjetor të vlerësuar prej rreth 60 miliardë dollarë (49 miliardë paund).
Ata janë të specializuar në trafikun e kokainës dhe dominojnë tregun global; tani mendohet se kontrollojnë deri në 80% të tregtisë evropiane të drogës.
