Kreu i KQZ-së Ilirjan Celibashi së bashku me nënkomisioneren Lealba Pelinku ka zhvilluar ditën e sotme një takim me kryetarin në prezencës së OSBE-së në Shqipëri, Vincenzo Del Monaco, ku u diskutua për implementimin e teknologjisë në zgjedhje dhe mundësinë e votimit nga emigrantët të cilët jetojnë jashtë vendit.
Siç theksoi ai edhe në postimin e tij në twitter këto dy çështjet e diskutuara janë prioritare.
Kujtojmë se në zgjedhjet parlamentare të 25 prillit pritet që të identifikim elektronik në të gjithë territorin dhe votim e numërim elektronik në jo më shumë se 20% të zonave zgjedhore.
Sa i përket votës së emigrantëve Grupi i punës në Komisionin Qendror të Zgjedhjeve ka shqyrtuar para pak ditësh disa variante për ta mundësuar një gjë të tillë në zgjedhjet e 25 prillit. Në tryezë janë varianti i votimit me postë, votimi në konsulatë dhe votimi elektronik.
#1.1 Së bashku me Nënkomisioneren Lealba Pelinku e njohëm Ambasadorin @VincenzoDelMon3 me hapat e ndërmarrë për përgatitjen e procesit zgjedhor, ku u fokusuam në dy çështjet prioritare; implementimin e teknologjisë në zgjedhje dhe mundësimin e votimit nga jashtë të emigrantëve. pic.twitter.com/NUiDJdutTL
— Ilirjan Celibashi (@ICelibashi) December 16, 2020
