1-Nuk mund të shkosh me tuta në Shtëpinë e Bardhë. Perandoritë nuk e honepsin informalitetin. Veshjet ekzotike kanë vlerë aty ku nuk të konsiderojnë dhe të pranojnë vetëm për show.
2-Nuk mund t’i drejtohesh princit trashëgimtar (zv/presidentit) me iniciale Xhej Di, por me titullin e plotë: Zoti zëvendës president Vance. JD mund ta thërrasë edhe hidrauliku që ka shkuar t’i rregullojë sifonin e shtëpisë, por jo një vasal në takim zyrtar në prani të kamerave.
3-Nuk mund të shkosh në një takim zyrtar pa përkthyes për më tepër me një anglishte të mjerë. Përkthyesi të krijon status dhe jep kohë të mendosh përgjigjen dhe kontrollosh impulset.
4-Nuk mund të kryqëzosh duart në gjoks gjatë takimit ku shkon për të lypur. Duhet të shtrish pëllëmbët dhe t’i mbash të mbështetura mbi gjunjë. Është një gjuhë trupi që i takon mbretërve ose gjeneralëve, jo hallexhinjve.
5-Nuk mund të quash aleat shtetin që të mban në këmbë prej 11 vitesh. Je thjesht një klient i tij.
6-Nuk mund të kërcënosh vendin më të fuqishëm të botës me fraza të tipit “po rashë unë, rusët do kapërcejnë oqeanin dhe vijnë tek ju”. Është fyerje e statusit të tyre dhe shenjë barazimi.
7-Nuk mund të takosh para pritjes zyrtare armiqtë (demokratët) e njeriut që sapo ka ardhur në fuqi me votë solide. Mund ta bësh pas katër vitesh, por edhe atëherë je i vogël që të futesh në lojë të madhe.
8-Nuk mund të bësh debat sikur je në studiot televizive të Kievit. Do fitosh më shumë në sytë e botës nëse hesht ose përgjigjesh shkurt me fraza të përgjithshme të tipit “keni të drejtë”, “ ju na kuptoni shumë mirë”. Mos mendo se ata që të ofrojnë asistencë spiunazhi dhe mbulim satelitor, nuk e njohin situatën.
9-Mund të kesh fituar pikë në sytë e anti-imperialistëve që flenë në dyshekë të ngrohtë dhe antiamerikanizmin e kanë për sport. Pasojat i paguajnë djemtë e tu që janë në llogore.
10-Është gabim perceptimi kur mendon që lufta jote mbrojti botën e lirë. Amerikanët mendojnë se të kanë ndihmuar mjaftueshëm që të mbrosh veten tënde, ndaj tani duhet të paguash.
11-Nuk të ndihmojnë dot lakenjtë nëse nuk ke bekimin e mbretit. Takimet e karshillëkut nuk vlejnë për një njeri në hall, veçse i shtojnë zemërimin mbretit. Sikurse nuk kanë ç’të duhen engjëjt nëse ke mik Zotin.
12-Është keq llogaritje kur mendon se pasuritë e tua natyrore nuk kanë çmim dhe mund ta mbash stekën lart. Rusët mund t’i ofrojnë shoqërive amerikane 10 herë më shumë dhe në kushte më të favorshme sigurie.
13-Qëndrimi mur kundra murit, sipas sondazheve, ka ngjallur simpatitë edhe të atyre që dje ishin kundra teje. Mos u gëzo. Do ndërrojnë qëndrim një ditë më vonë sipas humorit të ditës dhe çmimit të gazit. Faturën do ta paguash ti.
Komente
Z Dritan Hila, kam respekt për ju por jam i detyruar që të shprehem se nuk jam dakord me reagimet tuaja në lidhje me takimin Tramp-Zelenski. Duke ditur aspiratat e presidentit të SHBA, sidomos për pasuritë nëntokësore të Ukrainës dhe sidomos kthesa e tij aq pozitive në raport me "armikun"historik Rusinë (lexo:Putin),të gjitha ato "sygjerime trupore" që numrove për Zelinskin janë të pavlera. Problemi i debatit është shumë më i madh se sa "qëndrimi i gjymtyrëve" që ke marrë si theks të këtij takimi të pasuksesshëm.
PërgjigjuzD. HILA A MUND TË MË THUASH NJË POR NJË GABIM TË TRAMPIT.JE MË I RI SE UNË POR PO TË PYESË A KAN TË DREJTË POPUJT TË JETOJNË NË PAQE NË TOKËN E TYRE ?SI MUNDET NJË NJERI I SHKOLLUAR E ME KULTUR E DIPLOMATIKE TI THOTË QË NJL UZHËHEQËS I NJË POP. NË LUFTË TI THOTË DERRIT DAJË,GJITHASHTU TË PRANOJ QË KA BËRË GABIM QË KA LUFTUAR OKUPATORIN. E FUNDIT SA MIRË QË KËTO NUK I THE TE T.V.DRITARE SE DO TË HUMBJE SHIKUSHMËRI.
PërgjigjuNje analize *hic* hila eshte rreshtuar ne anen e gabuar..pse??!!! Trapi eshte nje rrugac pavaresisht se eshte president i Amerikes,interesaxhi,shikon vetem leket,e te zhvas Duke shfrytezuar veshtiresite e castità te Ukrahines..lufta e drejte do fitoje,vetem te dobetit dorezohen...populli i Ukrahines eshte populli heroik ben beteje per tere Europen,lirine,pavaresine,paqen,progresin
PërgjigjuTensioni ishte shume i madh qe pa nisur takimi pas deklaratave te padrejta qe Trump kishte bere pak dite me pare, ku shuhet qarte perkrahja qe ka per Rusine. Por te gjitha keto pika jane te goditura ne koke. Sa mire do kishte qene ti kishte marre keto keshilla para atij takimi. Shpresoj te kete reflektuar per keto pika tashme, por situata eshte me e perkeqesuar dhe takimi tjeter, nese ndodh, do jete perseri shume i veshtire. Duket e pamundur qe Ukrahina te fitoje ndonje gje nen udheheqjen e Trump.
Përgjigju