Dritat Aurora Borealis ose të njohura ndryshe si Dritat e Veriut kanë dhuruar spektakël në pjesë të ndryshme të botës. Pamjet e rralla të Dritave Veriore u shfaqën pas një prej stuhive më të forta gjeomagnetike që ka goditur Tokën prej vitesh.
Një spektakël i mahnitshëm ngjyrash u pa në qiell, me vezullime disa-ngjyrëshe, ku dominonin variacione të të kuqes, jeshiles dhe blusë.
Spektaklin e shijuan në fakt banorët e shumë shteteve të veriut të hemisferës veriore të Tokës, përfshirë edhe Europën. Sipas Qendrës amerikane për Parashikimin e Motit Hapësinor, kjo ishte e para stuhi gjeomagnetike e kategorizuar si “ekstreme” në dy dekadat e fundit.
Megjithatë nuk janë raportuar probleme serioze në sistemin e komunikimeve me valore, si ato me satelitë apo me antena.
Komente
