Arjan Konomi, ish-opinionist i Big Brother duket se nuk e ka pëlqyer aspak sjelljen e opinionistëve të BBV-së Arbër Hajdarit dhe Zhaklin Lekatarit.
Ai postoi një video në rrjetin social Instagram, ku teksa argumentonte mendimin e tij, shtoi se Zhaklina dhe Arbri debatojnë në mënyrë vulgare dhe nuk janë aspak të denjë për të qenë opinionistë të BBV.
“Pashë spektaklin e BBV sot në YouTube dhe i shtyrë prej komenteve në rrjetet sociale, me të vërtetë nuk mund ti rezistoja dot tundimit për të bërë një koment.
Pavarësisht se gjithmonë kam neglizhuar dhe nuk kam dashur të bëhem pjesë e komenteve me formate të ndryshme televizive, por kësaj radhe nuk mund të rrija heshtur dhe pa thënë që pësova një zhgënjim dhe një shije të keqe, të hidhur prej sjelljes të opinionistëve nga spektakli i mbrëmshëm.
Nuk është se jam pro apo kundër mendimit të tyre, por qasja që ata bëjnë si opinionistë, është jo e nivelit që ka formati, jo e nivelit që kërkon ai kolltuk ku janë ulur.
Tek i dëgjoja mu duk sikur po shikoja njerëz të rëndomtë, mediokër, që diskutojnë në një lokal periferie dhe japin e marrin, thonë e stërthonë, e kthejnë e debatojnë në mënyrën më vulgare, ne një spektakël që imagjino se sa shije të hidhur që të lë”, tha Konomi.
Komente
Arjan Konomi je opiononisti me i mire ne te gjithe Shqiperi.Ty te admirojne te gjithe Shqiptaret anen mbare botes.Zoti te ruajte ke gjykuar drejte se e kane merituar te dy se jane sjellur ne menyren me vulgare me banoret Efin,Kiaren dhe Luizin.
Përgjigjuhahaha qasja eshte fiks percate nivel or mik ....program tallava
Përgjigju