Kreu i SPAK, Altin Dumani është pritur në një takim nga kryeprokurori i Prokurorisë Speciale të Kosovës, Blerim Isufaj. Në fokus të diskutimeve ka qenë bashkëpunimi ndërinstitucional në fushën e sundimit të ligjit, shkëmbimi i përvojave dhe forcimi i koordinimit në hetimet e përbashkëta.
Dumani vuri theksin edhe te mbështetja e SPAK-ut ndaj Prokurorisë Speciale.
“Kryeprokurori i Prokurorisë Speciale të Kosovës, z. Blerim Isufaj, priti të mërkurën në një takim pune drejtuesin e Strukturës së Posaçme Kundër Korrupsionit dhe Krimit të Organizuar, z.Altin Dumani.
Gjatë takimit u diskutua për thellimin e bashkëpunimit ndërinstitucional në fushën e sundimit të ligjit, shkëmbimin e përvojave dhe forcimin e koordinimit në hetimet e përbashkëta. z.Dumani ritheksoi përkushtimin e SPAK-ut për të mbështetur Prokurorinë Speciale në luftën kundër korrupsionit dhe krimit të organizuar.
Ndërsa, z. Isufaj shprehu mirënjohjen për bashkëpunimin e vazhdueshëm, duke theksuar se Prokuroria Speciale mbetet një shtyllë e fortë dhe e palëkundur e sistemit të drejtësisë në vend.”, thuhet në njoftimin e Sistemit Prokurorial të Kosovës.
Komente
