Durrës- Një 31-vjeçar është vendosur në pranga nga policia e Durrësit për shkak të 4 vjedhjeve që ka kryer në këtë qytet.
Blutë bëjnë me dije se Françesko Selishta i ka kryer grabitjet në datën 2 dhe 7 të këtij muaji. Siç shihet edhe nga video e publikuar nga Policia, shihet edhe momenti i kapur nga kamerat e sigurisë, ku 31-vjeçari grabit kasën e marketit.
“Për to u vu në pranga shtetasi Françesko Selishta, 31 vjeç, banues në Durrës, sepse dyshohet se më datë 2 shkurt, ka vjedhur para në kasën e një marketi në lagjen nr. 15, ndërsa më datë 7 shkurt, ka vjedhur bateri automjetesh, vegla pune dhe biçikletë, në pronësi të 3 shtetasve”, informoi sot policia.
Blutë kanë sekuestruar disa nga sendet e vjedhura.
Materialet procedurale i kaluan Prokurorisë Durrës, për veprime të mëtejshme.
Komente
