Një 52- vjeçar është arrestuar nga policia ditën e sotme, pasi dje në aksin rrugor “Kavajë-Durrës”, me kamionin që drejtonte, ka përplasur personin me inicialet A. Ç., 58 vjeç, banues në Berat.
Sipas policisë, 58 vjeçari, kishte ndaluar në rrugë pasi automjeti i tij ishte përplasur me një automjet tjetër, ndërsa pak momente më pas përplaset nga kamioni. Si pasojë e dëmtimeve, ai ka humbur jetën në spital.
“Specialistët e Qarkullimit Rrugor arrestuan në flagrancë shtetasin M. V., 52 vjeç, banues në Vlorë, pasi dje, rreth orës 07:00, në aksin rrugor “Kavajë-Durrës”, me kamionin që drejtonte, ka përplasur shtetasin A. Ç., 58 vjeç, banues në Berat, i cili kishte ndaluar në rrugë pasi automjeti i tij ishte përplasur me një automjet tjetër. Si pasojë e dëmtimeve, shtetasi A. Ç. ka humbur jetën në spital’, njoftoi sot policia.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.
Komente
E ka pas /te shkruar/ kete dite,thone te moshuarit.Ngushellime familjes!
Përgjigju