DURRËS – Një këmbësor 55-vjeçar është aksidentuar për vdekje në Bisht-Kamëz nga një automjet me drejtues një 16-vjeçar.
Viktima është identifikuar si Qerim Bajrami, ndërsa shkak i aksidentit dyshohet të ketë qenë shpejtësia e madhe me të cilën 16-vjeçari po ngiste makinën.
"Rreth orës 15:40, në aksin rrugor Fllak- Sektor Rinia, automjeti me drejtues një 16 vjeçar ka dalë nga rruga dhe ka përplasur këmbësorin shtetasin Q. B., rreth 55 vjeç, i cili si pasojë e përplasjes ka humbur jetën në vendngjarje",-njofton policia.
I mituri është shoqëruar në komisariat, por ende nuk dihet se ku ka marrë automjetin të cilin po ngiste në mënyrë të jashtëligjshme, pasi për shkak të moshës së tij është e pamundur të ketë një patentë.
Pas përplasjes, automjeti i aksidentit ka përfunduar në kanalin ku po peshkonte 55-vjeçari.
Komente
