Durrës- Një aksident me pasojë plagosjen e një të moshuari ka ndodhur pasditen e sotme (8 Shkurt) në qytetin e Durrësit.
Një automjet ka përplasur të dëmtuarin që qarkullonte me motoçikletë, në rrugën “Azem Hajdari”, në zonën e ish-Kënetës.
Policia ka shkuar në vendngjarje për të kryer verifikimet dhe zbardhur rrethanat dhe shkaqet e aksidentit.
Gazetari i Report TV, Aldo Mustafa, informon se i moshuari është dërguar menjëherë me ambulancë drejt spitalit për mjekim, ku ndodhet edhe jashtë rrezikut për jetën, edhe pse ka dëmtime në kokë dhe trup nga përplasja.
Në pamjet e siguruara dallohen pasojat dhe shenjat e aksidentit, Policia Rrugore dhe ambulanca në vendngjarje, me dy mjetet në distancë të shkurtër, vetura e drejtuesit të dyshuar dhe motoçikleta e të dëmtuarit.
Komente
