Një 64-vjeçar nga Shkëmbi i Kavajës është vendosur në pranga pasi dyshohet se ka ndezur zjarr në pronën e tij, për të djegur mbeturina, dhe si pasojë e përhapjes së flakëve, janë rrezikuar banesa përreth, si dhe është djegur një sipërfaqe toke.
Si rezultat i hetimeve të kryera, me qëllim përcaktimin e autorësisë së zjarrvënieve, u arrestua shtetasi me inicialet J. F., informoi sot policia.
Ndërhyrja e menjëhershme e zjarrfikësve dhe shërbimeve të Policisë, mundësoi neutralizimin e flakëve dhe shpëtimin e banesave.
Materialet procedurale i kaluan Prokurorisë së Durrësit, për veprime të mëtejshme, për veprën penale “Shkatërrimi i pronës me zjarr".
Komento
