Durrës- Policia e Durrësit arrestoi sot drejtorin e shkollës artistike ‘Jan Kukuzeli’, në Durrës i shpallur në kërkim në kuadër të operacionit të koduar ‘Summer’ ndërmarrë në korrik të këtij viti.
Dashamir Mehmeti akuzohet për Prodhimi dhe shitja e narkotikëve”, ndërsa në banesën e 41 vjeçarit po në korrik iu gjet dhe armë pa leje.
"Si rezultat i kontrolleve të bazuara te informacionet e inteligjencës policore, Forca e Posaçme Operacionale dhe Seksioni për Hetimin e Narkotikëve të Drejtorisë Vendore të Policisë Durrës lokalizuan, kapën dhe vunë në pranga shtetasin e shpallur në kërkim D. M., 41 vjeç.
Për të, Gjykata e Durrësit ka nxjerrë urdhër ndalimi për veprën penale “Prodhimi dhe shitja e narkotikëve”. Gjithashtu, nga kontrollet për ekzekutimin e urdhrit, në muajin korrik 2024, Policia gjeti në banesën e 41-vjeçarit, 1 armë zjarri pistoletë që posedohej pa leje", njoftoi sot policia.
Operacioni u kodua ‘Double’.
Si u zbulua që drejtori i shkollës ishte i përfshirë në veprimtari kriminale?
Policia dokumentoi përfshirjen e drejtorit të shkollës në veprimtari kriminale, pasi organizoi një blerje të simuluar. Mehmeti ra në kurthin e ngritur nga blutë e Durrësit, duke i shitur një agjenti drogë.
Blerja e drogës nga oficerët u bë tek persona të ndryshëm. Pas shitjes së drogës te agjentët, policia ndërmori një aksion për goditjen e kësaj veprimtari kriminale.
Materialet procedurale i kaluan Prokurorisë Durrës, për veprime të mëtejshme.
lajm ne perditesim...
Komente
A ju jeni budallenj Drejtori ka dale I lire
Përgjigju