DURRËS - Një i ri është plagosur me thikë ditën e sotme në zonën e Sukthit. Mësohet se i riu 35 vjeçar Leonard Sherifi është dërguar i është drejtuar spitalit për të marrë ndihmën mjekësore, ndërkohë që policia po vijon punën për sqarimin e plotë të rrethanave të ngjarjes.
Ende nuk dihet se kush është autori i ngjarjes bëjnë me dije nga policia, teksa i plagosuri ndodhet në sallën e operacionit.
'Rreth orës 12:50, në autostradën “Durrës-Tiranë”, një shtetas ende i paidentifikuar ka goditur me mjet prerës, shtetasin L. Sh., rreth 35 vjeç, i cili ndodhet në spital, në kujdesin e mjekëve.
Shërbimet e Policisë kanë shkuar menjëherë në vendngjarje dhe po vijojnë kontrollin në zonë, për kapjen e autorit.
Grupi hetimor, në drejtimin e Prokurorisë, po vijon punën për sqarimin e rrethanave, identifikimin e autorit dhe dokumentimin ligjor të rastit.', njofton policia.
