Detaje të reja kanë dal nga plagosja me armë në qytetin e Durrësit ditën e djeshme.
Policia e Durrësit ka vënë në pranga 31-vjeçari Adil Hizdri, i cili plagosi 70-vjeçarin, Fadil Hunda dje në një lokal, ndërsa arsyeja që ai ka qëlluar drejt të moshuarit duket se ka qenë një për borxh i pashlyer.
Personi tjetër i cili ishtë në vendin ku ndodhi ngjarja me inicialet A. T., që u shoqërua në polici më dhë pas në përfundim të veprimeve hetimore, u la i lirë.
Sipas policisë 70- vjeçari, banues në Durrës, vijon të jetë në kujdesin e mjekëve.
S.B/ReportTv.alDurrës
Arrestohet në flagrancë 31-vjeçari që tentoi të vriste me armë zjarri pistoletë, një 70-vjeçar, dje në një lokal.
Specialistët e Sektorit për Krimet e Rënda të DVP Durrës, në përfundim të veprimeve hetimore të kryera në drejtimin e Prokurorisë, për zbardhjen e rrethanave të ngjarjes së ndodhur dje, rreth orës 19:30, në një lokal në lagjen nr.17, ku për shkak të një borxhi të pashlyer, mbeti i plagosur me armë zjarri pistoletë, shtetasi F. H., 70 vjeç, banues në Durrës, i cili vijon të jetë në kujdesin e mjekëve, arrestuan në flagrancë autorin e dyshuar të këtij rasti, shtetasin:
A. H., 31 vjeç, banues në Shijak, për veprat penale "Vrasja me dashje", mbetur në tentativë dhe "Mbajtja pa leje dhe prodhimi i armëve, i armëve shpërthyese dhe municionit".
Arma e zjarrit pistoletë e dyshuar e përdorur për plagosjen u sekuestrua në cilësinë e provës materiale.
Shtetasi A. T., që u shoqërua dje, pas ngjarjes, në përfundim të veprimeve hetimore, u la i lirë.
Materialet procedurale i kaluan Prokurorisë, për veprime të mëtejshme.
