Durrës-Tre persona do të hetohen në gjendje të lirë pasi tentuan të korruptonin punonjësit e Policisë Rrugore në Durrës.
Drejtuesit e automjeteve të cilët u kapën duke drejtuar automjetet, pa vënë rripin e sigurimit, akuzohen për veprën penale "Korrupsioni aktiv i personave që ushtrojnë funksione publike".
"Gjatë monitorimit të akseve rrugore, me qëllim parandalimin e aksidenteve dhe përmbushjen e parametrave të sigurisë në rrugë, shërbimet e Policisë Rrugore të Durrësit kanë ndaluar automjetet me drejtues shtetasit D. S., A. L. dhe E. Xh., të cilët po drejtonin automjetin, pa vënë rripin e sigurimit. Për të shmangur masën administrative për këtë shkelje, ata iu kanë ofruar para, punonjësve të Policisë", thuhet në njoftimin e bluve.
Më tej Rrugorja e Durrësit i bën thirrje të gjithë qytetarëve të zbatojnë rregullat e qarkullimit rrugor dhe të denoncojnë në numrin 112, çdo shkelje të bërë.
Komente
Kot e kane! Policët tanë as s’kanë marrë as nuk marrin rryshfet…
Përgjigju