Sipas një urdhëri nga autoriteti portual Durrës, të gjitha anijet e peshkimit nuk duhet të ankrohen më tek porti i vjetër siç kanë bërë deri më tani. Rikonstruksioni i këtij porti do i zhvendosë peshkarexhat në portin e ri.
Por sipas peshkatarëve porti i ri nuk ka kapacitet për strehimin e të gjitha anijeve të peshkimit, ku numërohen rreth 140 të tilla. Ndërkohë rreth 30 anije vijojnë ende të qëndrojnë në portin e vjetër, në një kohë që Autoriteti Portual Durrës ka dhënë ultimatum që të gjitha anijet të transferohen në portin e ri.
Klodian Kapiti, pronar i një anije peshkimi, ende vazhdon të qëndrojë në portin e vjetër. Ai thotë se porti i vjetër duhet lënë i lirë pasi këtu do kryhen investime, por edhe problemi jonë duhet të zgjidhet.
Disa prej peshkatarëve janë shprehur se nuk do të levizin nga porti i vjetër deri sa të ket një zgjidhje për ankorimin e tyre në portin e ri, pasi kapaciteti aktual është i pamjaftueshëm për të gjithë.